Türkiyə Ukraynanın şərqində yerləşən Kramatorsk qatar stansiyasına hücumla bağlı rəsmi açıqlama yayıb.
Elchi.az xəbər verir ki, açıqlamada humanitar dəhlizlərin yaradılmasının vacibliyi vurğulanıb:
“Hücum mülki əhalinin təhlükəsiz təxliyəsini təmin etmək üçün humanitar dəhlizlərin yaradılmasının vacibliyini və aktuallığını bir daha göstərir”.
Bəyanatda, həmçinin müharibənin dayandırılmasına bir daha çağırış edilib.
Qeyd edək ki, vağzala raket hücumu nəticəsində 5-i uşaq olmaqla 50 nəfər həlak olub. Ukrayna zərbənin rus ordusu tərəfindən endirildiyini bildirir, Rusiya isə ittihamları qəbul etmir.
