Türkiyənin Kayseri vilayətində təyyarə və helikopter hissələri istehsal edən ilk aviasiya zavodu olan TOMTAŞ yenidən işə başlayacaq.
Elchi.az xəbər verir ki, bu barədə Türkiyə mediası məlumat yayıb.
Məlumata görə, Məlikqazi bölgəsində tikilən zavodun yenidən işə salınması üçün 205 milyon lirə sərmayə qoyulub. İlk mərhələdə TOMTAŞ-da 50 nəfər işlə təmin olunacaq.
Zavodda qanadlar, qapılar, idarəetmə panelləri və digər təyyarə hissələri, həmçinin helikopter pərvanələri və mühərrik hissələrinin istehsalı planlaşdırılır. Müəssisə ildə 420 kq-a yaxın məhsul istehsal edə biləcək. Ümumilikdə zavoddan 10 milyon 207 min 500 dollarlıq avadanlıq alınacaq.
