Rusiyanın Lipetsk şəhərində Suriyada vurulan “Su-24” tipli təyyarənin komandiri Oleq Peşkovun dəfn mərasimi keçirilir.
Boru zavodu yaxınlığında baş tutan dəfn mərasimində 100-ə qədər şəhər sakini, onlarla fotoqraf, Rusiya Hava-Kosmik Qüvvələrinin (HKQ) orkestri iştirak edir.
Qeyd edək ki, noyabrın 25-i Rusiya prezidenti Vladimir Putin Suriyada həlak olan “Su-24” təyyarəsinin komandirinə ölümündən sonra “Rusiya qəhrəmanı” ulduzunun verilməsi haqqında qərar qəbul edib.
Xatırladaq ki, Rusiyaya məxsus qırıcı təyyarə noyabrın 24-ü Türkiyənin Suriya ilə sərhədindəki Hatay vilayətində vurulub. Hərbi təyyarə Türkmən dağı ərazisindəki Qızıldağ istiqamətində yerə düşüb. Pilotlar katapulta etsələr də, onlardan biri ölüb. Digər pilotlar isə xüsusi təyinatlıların keçirdiyi 12 saatlıq əməliyyat nəticəsində xilas edilib.
