“Türkiyə ərazisindən Suriyaya keçmək istəyərkən həbs olunan 4 azərbaycanlı ilə bağlı araşdırma aparılır”. 
Elchi.az xəbər verir ki,bunu azvision.az-a açıqlamasında Azərbaycanın Xarici İşlər Nazirliyinin mətbuat xidmətinin rəhbəri Hikmət Hacıyev deyib.
Onun sözlərinə görə, hazırda Azərbaycanın Türkiyədəki diplomatları məsələni araşdırır:
“Hazırda araşdırma aparılır. Bundan sonra ictimaiyyətə ətraflı məlumat veriləcək”,-deyə XİN sözçüsü əlavə edib.
Qeyd edək ki, “İslam Dövləti” (“İŞİD”) qruplaşmasına qoşulmaq üçün Suriyaya keçməyə cəhd edən 4 Azərbaycan vətəndaşı Türkiyənin Kilis bölgəsində saxlanılıb. Onların bir ailənin üzvü olduğu bildirilir.
