Dubay-Milan reysi ilə uçan sərnişin uçuş zamanı körpə dünyaya gətirib. Elchi.az xəbər verir ki, bu barədə İtaliyanın “Corriere della Sera” qəzeti paylaşıb.
Hadisənin sentyabrın 30-u axşam saatlarında baş verdiyi bildirilir. Nəşrin məlumatına görə, Avropaya uçan təyyarənin göyərtəsində körpənin dünyaya gəlməsinə kömək edən həkim olub. O, yerə endikdən sonra ana və uşağı Varesino xəstəxanasının əməkdaşlarına təhvil verib. Həkimlər təcili yardımla eniş zolağına gəlib.
Məlum olub ki, həkimlər briqadası tərəfindən göstərilən ilkin tibbi yardımdan sonra yeni doğulmuş körpə Varese şəhəri yaxınlığındakı “Filippo Del Ponte” xəstəxanasına aparılıb.
Havar Şəfiyeva
