Ukrayna Silahlı Qüvvələrinin Hərbi Hava Qüvvələri Komandanlığının müşaviri Yuri İqnat bildirib ki, Ukrayna İsveçdən “Qripen” qırıcılarını, ABŞ-dan isə “F-35” qırıcılarını almaq istəyir.
Elchi.az Mk.ru-ya istinadən bildirir ki, İqnat bu barədə jurnalistlərə brifinqdə məlumat verib.
“Biz təkcə “F-16” deyil, gələcək haqqında düşünməliyik. “F-35” və “Gripen” təyyarələri var. “Qripen” Ukraynanın ala biləcəyi “F-16”-dan sonra ikinci prioritet olan təyyarədir”, – deyə İqnat qeyd edib.
İqnat onu da bildirib ki, Ukrayna Sovet istehsalı olan texnikanı, o cümlədən uzun müddət istifadə edilən təyyarələri mərhələli şəkildə sıradan çıxarmağı planlaşdırır.
Xatırladaq ki, bundan əvvəl İsveçin baş naziri Ulf Kristersson bildirmişdi ki, İsveç Ukraynaya “Gripen” tədarük etməyi planlaşdırmır. Bununla belə, bu qırıcıları idarə etmək üçün ukraynalı pilotların hazırlanması planlaşdırılırdı.
Yeganə
