Cəbhə xəttində erməni gülləsinə tuş gələn şəhidlərimiz Ukraynada da anılıb.
Axar.az xəbər verir ki, Ukrayna Qafqaz Xalqları Konqresi faciə ilə əlaqədar Prezident İlham Əliyevə və Azərbaycan xalqına başsağlığı verib. Baş verənlərə təəssüf hissi bildirən təşkilat üzvləri terrorçuluq və separatçılığı şiddətlə qınayıblar. Onlar Dağlıq Qarabağ münaqişəsinin tezliklə həll olunacağına ümid ifadə ediblər. Təşkilat fəalları Ukraynada fəaliyyət göstərən məscidlərdə şəhidlərimizin əziz ruhuna dualar oxunduğunu vurğulayıblar.
