Keçmiş baş nazir Yuliya Timaşenko da bu fikri dəstəkləyir 
Ukrayna parlamentində mövcud olan fraksiyalar bu ölkənin Müstəqil Dövlətlər Birliyindən (MDB) çıxması məsələsini müzakirə etməyi planlaşdırır. Bu barədə “ Pyotr Poroşenkonun Bloku” fraksiyasından Vitali Kavalçuk “TASS” agentliyinə bildirib.
“Dekabrın 8-də bu məsələyə Ukrayna radasında baxılacaq”, “Ukrayna” TV-yə açıqlamasında deputat deyib.
Bu məsələ ilk dəfə noyabrın 27-də Ali Radada gündəmə gəlib. Keçmiş baş nazir Yuliya Timaşenkonun partiyası da bu məsələyə müsbət yanaşır.
Ukrayna hökuməti isə hələ noyabrın 14-də MDB ilə bağlı strukturların qapadılmasına göstəriş verib. Ondan əvvəl isə Ukrayna prezidenti Pyotr Poroşenko bu ölkənin MDB təmsilçisi Anatoli Dronu geri çağırmışdı və onun tutduğu vəzifə ləğv olunmuşdu. Həmin vaxt bu məsələyə Minskdən gələn izahatda deyilirdi: “Bu, sırf texniki məsələdir”.
Agentlik xatırladır ki, MDB-ni 1991-ci ilin 8 dekabrında Rusiya Federasiyası, Ukrayna və Belarus təsis etmişdi.
