Ukrayna Rusiyanın hərbi itkilərini açıqlayıb.
Elchi.az xəbər verir ki, bu barədə Ukrayna Müdafiə Nazirliyinin “Facebook” səhifəsində bildirilib.
Qeyd olunub ki, fevralın 24-dən bu gün səhər saatlarına qədər Rusiya Ordusunun 1 358 tankı, 3 302 zirehli döyüş maşını, 649 artilleriya sistemi, 207 reaktiv yaylım atəşi sistemi, 93 havadan müdafiə sistemi, 208 hərbi təyyarəsi, 174 helikopteri, 2275 avtomobil texnikası və yanacaq çəni, 13 gəmi/kateri, 515 dronu, 48 xüsusi avadanlığı, 120 qanadlı raketi məhv edilib.
Ukrayna Müdafiə Nazirliyi Rusiya tərəfinin təxminən 30 500-ə qədər canlı qüvvəsini itirdiyini bəyan edib.
