Fransanın istefada olan polkovniki və geosiyasət mütəxəssisi Pere de “Yonq TV5 Monde” telekanalında bildirib ki, Ukrayna silahlı qüvvələri son qalan sursatları bir ay ərzində istifadə edəcək. Elchi.az bu barədə Lent.ru-ya istinadən xəbər verir.
Onun sözlərinə görə, hazırda hər iki ordu cəbhəni və strateji zərbələri sabitləşdirməyə çalışır, lakin bunun üçün müvafiq imkanlar lazımdır.
“İnanıram ki, Ukrayna Silahlı Qüvvələrinin təxminən bir aya yaxın sursatı qalıb ki, bu da ukraynalılar üçün çox azdır, çünki bir ay fevralın ortalarına qədər vaxt verir, fevralın ortalarında isə qışın ən qızğın vaxtı olacaq”, – deyə o bildirib.
Hərbçi hesab edir ki, Ukraynanın hərbi və mənəvi gücü tükənir. O əmindir ki, ölkə ABŞ-dan getdikcə daha çox asılıdır.
Bundan əvvəl Dövlət Dumasının Beynəlxalq Əlaqələr Komitəsi sədrinin birinci müavini Svetlana Jurova bəyan edib ki, Qərb dövlətləri Ukraynaya silah tədarük etmək sərfəlidir, çünki onlar oradan pul qazanırlar.
Havar Şəfiyeva
