Ukraynada nüvə stansiyasında qəza baş verib. Bütün ölkəni qorxudan qəza haqqında məlumatı ölkənin baş naziri Arseni Yatsenyuk verib.ANS PRESS-in məlumatına görə, qəza cənub şərdindəki Zaparoje vilayətində qeydə alınıb.
Buradakı stansiya Avropanın ən böyük, dünyanın isə 5-ci stansiyasıdır.
Ölkənin enerji naziri Vladimir Demçiş qəzanın hər hansı bir təhdid yaratmadığını iddia etsə də vəziyyətin gərgin olduğu ehtimal edilir.
Ukraynalı nazir qəzanın enerji sistemi ilə bağlı olduğunu, istehsalla bağlı olmadığını deyib. Stansiya dekabrın 5-də normal iş rejiminə qayıdacaq.
Qeyd edək ki, Çernobıl faciəsi — 26 aprel 1986-cı il Ukraynanın paytaxtı Kiyev şəhəri yaxınlığında yerləşən Çernobıl AESnda güclü nüvə partlayışı baş verdi.
Stansiya partlayandan sonra yaranmış radioaktiv buludun böyük hissəsi Şərqi Avropaya doğru hərəkət etmişdisə, belə “ölüm bulud”unun yerdə qalan hissəsinin küləklər cənuba “sürükləmişdi”. Sonucda Azərbaycanda da Çernobıl faciəsi nəticəsində radioaktiv şüalanmaya məruz qalanlar var. Bundan başqa, AES-in partlamış 4-cü enerji blokunun təhlükəsiz hala salınması üçün keçirilən “Sarkofaq” əməliyyatında 129 Azərbaycan vətəndaşı da iştirak edib ki, onların hamısı müxtəlif səviyyəli radioaktiv şüalanma alıblar.
Hadisə zamanı 7000-ə yaxın insan həlak oldu, 25000 insan güclü radiasiya nəticəsində ömürlük şikəst oldu, on minlərlə insan isə sonsuz qaldı. Bu faciədən sonra Çernobılda doğulan uşaların 90 %-də əlillik yaranır. Hadisədən neçə illər keçsə də, radiasiyanın fəsadları hələ də Avropada dolanmaqdadır.
