Ukraynada həftəsonu soyuq hava şəraiti səbəbindən 10 nəfər ölüb, 23 nəfər xəstəxanaya yerləşdirilib.
Elchi.az xəbər verir ki, soyuq hava şəraiti Ukraynanın Odessa, Kiyev, Mikolayiv, Çerkassı, Kirovoqrad və Xarkov vilayətlərində həyata mənfi təsir edib.
Ukrayna Daxili İşlər Nazirliyinin açıqlamasına görə, güclü qar və tufan səbəbindən 14 magistral yol nəqliyyata bağlanıb, 16 bölgədə elektrik enerjisi kəsilib.
Qarın qalınlığının 1,5 metrə çatdığı Odessa vilayətində qapalı vəziyyətdə qalan 849 avtomobil yedəyə alınıb, 162-si uşaq olmaqla 2500-ə yaxın insan xilas edilib.
Şayəstə Hüseynova
