Ukrayna ordusu satınalma prosedurlarını dəyişir və Şimali Atlantika Alyansının (NATO) prinsip və standartlarına əsaslanan modelə keçir.
Elchi.az TASS.ru-ya istinadən xəbər verir ki, bu təşəbbüs Ukraynanın Müdafiə Təchizatları Agentliyi tərəfindən həyata keçiriləcək. Bununla bağlı Ukraynanın müdafiə naziri Aleksiy Reznikov bildirib.
“2022-ci ildə biz nazirlikdən ayrı, müstəqil qurum olan, korrupsiya riskini azaltmağa kömək edəcək Agentliyi yaratdıq. Bu qərar müdafiə qurumunu NATO standartlarının və prosedurlarının həyata keçirilməsinə yaxınlaşdırır və səmərəli istifadəyə töhfə verir”,-deyə Reznikov vurğulayıb.
Müdafiə nazirinin müavini Denis Şarapov bildirib ki, Müdafiə Nazirliyi hazırda Müdafiə Təchizatları Agentliyinin iş mexanizmlərinin hazırlanmasına kömək etmək üçün Böyük Britaniya, Norveç və NATO-nun Dəstək və Təchizat Agentliyindən tərəfdaşları cəlb edir.
Qeyd edək ki, müdafiə təchizatı sahəsində bu cür islahatlar mediada Ukrayna ordusu üçün şişirdilmiş qiymətlərlə ərzaq alınması barədə məlumat dərc edildikdən sonra başlayıb.
Yeganə
