Ukraynadakı münaqişənin həlli ilə bağlı yeni görüş oktyabrda baş tuta bilər. Elchi.az xəbər verir ki, bu barədə İtaliyanın “ANSA” nəşri mənbələrə istinadən məlumat yayıb.
Görüş zamanı prezident Vladimir Zelenskinin planının müzakirə ediləcəyi gözlənilir. Bu formatda əvvəlki görüşlər Danimarka və Səudiyyə Ərəbistanında baş tutub.
Daha əvvəl məlum olub ki, Macarıstan Vladimir Zelenskinin təklif etdiyi sülh formulu üzrə danışıqlara daxil edilib. Bundan əlavə, Macarıstan prezidenti Katalina Novakın sözlərinə görə, Budapeşt və Kiyev dövlət başçıları arasında birbaşa əlaqə kanalı yaradıblar, həmçinin iki ölkə arasında münasibətlərə dair yeni sənəd hazırlamağa başlayıblar.
Havar Şəfiyeva
