Ukrayna hökuməti ölkəsinin hava məkanını Suriyaya yardım daşıyan Rusiya təyyarələrinə bağladığını açıqlayıb.
Avropa.info xəbər verir ki, Ukrayna baş naziri Arseniy Yatsenyuk, bu gün keçirdiyi mətbuat konfransında Rusiyanın Suriyaya yardım göndərmək məqsədilə Ukrayna hava məkanından istifadə etməsinə icazə verməyəcəklərini açıqlayıb.
Yatsenyuk Ukrayna hava məkanına nəzarəti təmin edən dövlət şirkətinə rus təyyarələrinə qarşı nəzarət gücləndirmək istiqamətində göstəriş verdiyini də bildirib.
Qeyd edək ki, Rusiya rəsmən Suriya diktatoru Bəşər Əsədi dəstəkləyir. Rəsmi Moskva Əsədə yardım etdiyini də gizlətmir. Son məlumatlara görə, Rusiya Əsədə kömək üçün Suriyaya qoşun göndərib.
