NATO baş katibi Anders Foq Rasmussen Ukraynanın özünün hərbi-siyasi statusunu müəyyən eləməklə
bağlı sərbəst qərar vermək hüququna malik olduğunu deyib. Onun sözlərinə görə, Kiyev təhlükəsizlik və müttəfiqlərin seçilməsi məsələlərini özü həll edə bilər.
Alyans rəhbəri bu sözləri Ukrayna hökumətinin Avroatlantik inteqrasiya kursunun bərpa edilməsi barədə qanun layihəsini parlamentə göndərmək qərarına münasibət bildirərkən söyləyib.
“Mən Ukraynadakı siyasi diskussiyalara qarışmayacağam. Amma icazə verin, NATO-nun 2008-ci il Buxarest sammitinin qərarını xatırladım: Ukrayna, əlbəttə ki, NATO-nun üzvü olacaq, əgər özü bunu istəyəcəksə və meyarlara cavab verəcəksə”, – deyə Rasmussen vurğulayıb.
