Böyük Britaniyanın müdafiə naziri Ben Uolles NATO-nun baş katibi olmağa ümid etmədiyini bildirib.
Elchi.az News.am-a istinadən bildirir ki, o, bu barədə “The Economist”ə müsahibəsində deyib.
Xatırladaq ki, Uolles may ayında bu fikirləri söyləmişdi: “Mən həmişə demişəm ki, NATO-nun baş katibi olmaq yaxşı işdir və istədiyim iş budur”.
İndi isə Uolles bu vəzifəni tuta bilməyəcəyini hesab edir.
O, qeyd edib ki, ABŞ alyansın hazırkı baş katibi Yens Stoltenberqi daha bir il vəzifəsində qalmağa razı salmaq niyyətindədir. Qeyd edək ki, Stoltenberq sentyabrın sonunda vəzifəsini tərk etməlidir.
ABŞ dövlət katibi Entoni Blinken isə bu həftə Vaşinqtonun hazırda heç bir konkret namizədi dəstəkləmədiyini vurğulayıb.
Yeganə
