“Uşaqlar üçün idman növü seçdikdə diqqətli olmaq lazımdır. Çünki fiziki quruluşun uyğun olub olmaması çox əhəmiyyətlidir. Uşağın hansı idman növünə meyilli olduğunu öyrənib, ona əsasən və yaşına uyğun düzgün formada yönəltmək lazımdır”. Bu sözləri Elchi.az-a açıqlamasında baş məşqçi Arzu Şixzadayeva-Bağıyeva deyib.
Onun sözlərinə görə idman uşaqlara təkcə fiziki deyil, həm də psixoloji təsir göstərir. Məsələn əxlaq obrazı, dostluq, yoldaşlıq, birlik kimi keyfiyyətlərin formalaşmasında böyük rol oynayır. İdmanla məşğul olan uşaqlar hər zaman lider olmağı və hamıdam seçilməyə çalışırlar.
Bildiyimiz kimi uşaqlar ən erkən yaşlarından xüsusi elastikliyə sahib olurlar”.
Uşaqların hansı yaşdan başlayaraq idmanla məşğul olmasına gəldikdə sə məşqçi belə şərh edib:
“3-4 yaşdan rahatlıqla gimnastika, rəqs, üzgüçülük, məşqlərinə yazdırmaq məsləhətlidir. Gimnastikanı xüsusilə qeyd etmək istəyərdim. Ən vacib faktorlardan biri elastik bədən quruluşuna sahib olmaq, əzələ və sümük sisteminin möhkəmlənməsi, duruş qamətin düzəldilməsi, hiperaktiv uşaqlarda sakit davranış, həmyaşıdları arasında daha fəal olmaq kimi keyfiyyətlərə malikdir. Digər karate, aykido, taekvondo, kimi idman növlərinə başlamaq üçün 5-6 yaş tövsiyə olunur. Digər ağir idman növlərinə boks -13-14 yaşdan, cüdo 9-11 yaşdan sonra məsləhətlidir. Sümüklərin inkşafı tamamlanmayıb bədənə ağırlıq gətirən bu idman növü zərərli ola bilər. Uşaq idmana gedərkən hekim müayinəsinden keçməlidir. Əsasən qan azlığı, ürək qüsuruyla yaşayan uşaqlara professional idmanla məşğul olmasi məsləhət görülmür. Çünki onlar inkişaf mərhələsində olduqları üçün güclü fiziki məşqlərə tab gətirə bilməzlər”.
Havar Şəfiyeva
