Ruben Vardanyan həbs edilib və terrorçuluğu maliyyələşdirməkdə ittiham olunub. Əminəm ki, ona Qarabağda Azərbaycanın təbii sərvətlərinin oğurlanmasına qarşı da ittiham irəli sürüləcək. Çünki Vardanyanın dövründə təbii sərvətlərin talan edilməsi ilə bağlı çox danışılırdı.
Elchi.az xəbər verir ki, bunu rusiyalı politoloq Sergey Markov deyib.
“Vardanyan bütün bu illər ərzində Rusiya elitasının bir hissəsi olub. O, bütün böyük rəisləri şəxsən tanıyır. Demək olar ki, hər kəsi maliyyələşdirirdi. Milyarderdir. O, Rusiya vətəndaşlığından imtina edib. Vardanyan deyirdi ki, bunu xalqına kömək etmək üçün edib. Skeptiklər deyirlər ki, Ruben yalnız Qərb ölkələrinin rus milyarderi kimi onun pullarına qarşı böyük sanksiyalarından sonra Rusiya vətəndaşlığından imtina edib xalqa kömək etmək istədi. Onun indi Rusiya vətəndaşlığı əvəzinə, həm Ermənistan, həm də Fransa vətəndaşlığı ola bilər”, – o bildirib
