ABŞ Ukraynaya F-16 qırıcıları tədarükü planlarının olmadığını təsdiqləyib.
Elchi.az-ın mk.ru-ya istinadən xəbərinə görə, prezidentin milli təhlükəsizlik məsələləri üzrə köməkçisi Ceyk Sallivan bildirib ki, ABŞ administrasiyasının bu məsələ ilə bağlı mövqeyi dəyişməyib.
Avropa ölkələrinin Kiyevə bu cür tədarüklərə daha əlverişli münasibəti fonunda ABŞ-ın mövqeyində mümkün dəyişikliklə bağlı jurnalistlərin suallarına cavab olaraq prezidentin müşaviri deyib: “Bu gün F-16 ilə bağlı xəbərim yoxdur”.
Eyni zamanda, Hollandiyanın baş naziri Mark Rutte ölkəsinin İngiltərə, Danimarka, bəzi digər Avropa ölkələri və ABŞ ilə F-16 qırıcılarının Ukraynaya təhvil verilməsi imkanları ilə bağlı müzakirələr apardığını açıqlayıb.
Ukrayna Xarici İşlər Nazirliyinin rəhbəri Dmitri Kuleba bir müddət əvvəl bildirmişdi ki, bəzi avropalı tərəfdaşlar artıq Ukraynaya Amerikanın F-16 qırıcılarının verilməsi məsələsini araşdırırlar. Bununla belə, bu ideya Qərbdə məhdud şərh olundu və Ukrayna hakimiyyəti bunun çox vaxt aparan proses olacağını etiraf etdi.
Bundan əlavə, Böyük Britaniyanın baş naziri Rişi Sunakın ofisi daha əvvəl Ukrayna hərbi pilotlarına Qərb təyyarələrindən istifadəyə dair təlim vermək üçün yeni təlim mərkəzi açmaq planlarını açıqlamışdı.
Yeganə
