ABŞ-ın Vaşinqton ştatı güclü qasırğanın təsiri altındadır. Güclü küləklərin azı üç nəfərin həyatına son qoyduğu bildirilir.

Monro şəhəri yaxınlığında bir nəfər avtomobilinin üstünə ağac düşməsi nəticəsində həlak olub. Daha iki qadın isə Spokan şəhəri yaxınlığında yıxılan ağacların altında qalıb.

Qasırğa ştatda 185 min evi elektriksiz qoyub. Əlverişsiz hava şəraiti səbəbindən qubernator Cey İnsli Vaşinqton ştatında fövqəladə vəziyyət elan edib.

Spokan şəhər dairəsində isə güclü küləklə əlaqədar məktəblərdə məşğələlər dayandırılıb. Ağacların aşması, elektrik naqillərinin qırılması və subasmalar nəticəsində avtomobil yolları bağlanıb. Yerli enerji şirkəti evlərin elektriklə təminatını bərpa etmək üçün 3-5 gün vaxt lazım olacağını bildirib.

Qonşu Oreqona ştatında da aşan ağaclar, sel və subasmalar qərb ərazilərində avtomobil yollarının bağlanmasına səbəb olub.

– See more at: http://teleqraf.com/news/77151#sthash.YHA110GV.dpuf