“WhatsApp” messenceri şəxsi söhbətləri gizlətməyə və onlara parollar qoymağa imkan verəcək.
Elchi.az xəbər verir ki “WhatsApp” messencerində istifadəçilər üçün çoxdan gözlənilən məxfilik funksiyası olacaq ki, bu da şəxsi söhbətləri gizlətməyə və onlara parol qoymağa imkan verəcək, bu barədə platformanın rəsmi bloqunda məlumat verilib.
Materialda qeyd edilir ki, “WhatsApp” şəxsi yazışmaları qorumaq üçün nəzərdə tutulacaq “Söhbətin bağlanması” adlı funksiyanı təqdim edəcək.
Mütəxəssislərin fikrincə, şəxsi çatlar əsas yazışmalar bölməsindən ayrıca qovluğa köçürüləcək ki, bu da sizdən cihazın parolunu daxil etməyi və ya onu açmaq üçün barmaq izi və ya Face ID kimi biometrik məlumatları skan etməyi tələb edəcək. Bundan əlavə, şəxsi çatlardan gələn mesajların məzmunu avtomatik olaraq bildirişlərdə gizlənəcək, məqalədə deyilir.
Şayəstə Hüseynova
