Şuşa ərazisindən keçən Laçın-Xankəndi yolunda təşkil olunan dinc aksiyanın könüllüləri bu saatlarda coşqu nümayiş etdirirlər.
Elchi.az xəbər verir ki, aksiya fəalları plakat qaldırıb, ənənəvi şüarlarını səsləndirirlər.
Onlar Qarabağ ərazisində Azərbaycanın təbii sərvətlərinin talan edilməsinə qarşı olduqlarını bildirir, haqlı tələblərinin yerinə yetirilməsini istəyirlər. Fəallar bildirir ki, onların tələbləri Azərbaycan ictimaiyyətinin haqlı narazılığının ifadəsidir və vətəndaş cəmiyyətinin bu mövqeyinə hörmətlə yanaşılmalıdır. Etirazçılar tələblərində israrlı görünürlər. Aksiya sivil qaydalar çərçivəsində davam edir.
Xatırladaq ki, Qarabağda faydalı qazıntı yataqlarının qanunsuz istismarına qarşı təşkil olunan dinc aksiya artıq 26 gündür davam edir.
