Kiyevin nəzarətində olan Xersonda partlayışlar baş verib.
Elchi.az xəbər verir ki, Ukrayna Silahlı Qüvvələrinin nəzarətində olan Xersonda partlayışlar baş verib. Bu barədə Kiyev hakimiyyətinin təyin etdiyi şəhər administrasiyasının rəhbəri Roman Mroçko öz Teleqramında məlumat verib.
O, sakinlərə açıq yerlərdə olmamağı və sığınacaqlara köçməyi tövsiyə edib. Eyni zamanda, rəsmi xəbərdarlıq resursuna görə, bu bölgədə hava hücumu xəbərdarlığı elan edilməyib.
Mroçko həmçinin bildirib ki, partlayışlar nəticəsində kontakt şəbəkəsinə ziyan dəydiyi üçün Xersonda trolleybuslar işləmir. “Xersonelectrotrans” kommunal şirkətinin mütəxəssisləri yaxın vaxtlarda şəbəkənin bərpası istiqamətində iş aparacaqlar.
Dekabrın 22-də şəhərdə də partlayışlar qeydə alınıb. Bundan iki gün əvvəl Xarkovda silsilə partlayışlar qeydə alınıb.
Şayəstə Hüseynova
