Azərbaycan Respublikası Prezident Administrasiyasının rəhbəri, akademik Ramiz Mehdiyevin 1 fevral 2015-ci il 
tarixdə təsdiq etdiyi “Xocalı soyqırımının iyirmi üçüncü ildönümünün keçirilməsinə dair tədbirlər Planı”nına uyğun olaraq “Yeni Yurd” Sosial İnkişaf ictimai birliyi və “Xocalı Soyqırımını Tanıtma” ictimai birliyi, Bakının Xətai rayonundakı şəhid Ayaz Məhərrəmov adına 95 saylı tam orta məktəbin pedaqoji kollektivilə birgə məlum soyqırımın qurbanlarının anım mərasimini keçirib. Mərasimdə “Xocalı qisasa çağırır bizi”adlı ədəbi- bədii gecə və Xocalı soyqırımı zamanı erməni silahlıları tərəfindən qətlə yetirilmiş uşaqların fotolarından ibarət “Onlar heç vaxt böyüməyəcək”adlı fotosərgi təşkil olunub.
Anım mərasimini giriş sözü ilə açan 95 saylı orta məktəbin direktoru Fuad Babayev tədbir iştrakçılarını salamlayaraq Xocalıda soyqırımının xalqımızın qan yaddaşında mühüm səhifə olduğunu bildirdi. Tədim prosesində Xocalı soyqırımının qurbanlarının eyni zamanda vətənimizn azadlığı uğrunda şəhid olan hər bir soydaşımızın qəhrəmanlıq nümunəsinin şagirdlərə aşılandığını vurğuladı.Bu gün rəhbərlik etdiyi təhsil müəssəsində təşkil olunan tədbirin də şagirdlərdə vətənpərvərlik ruhunu qaldıracağını söylədi.Xocalıda ermənilərin işgəncələr və amansızlıqla həyatına son qoyduğu ömrü yarıda kəsilmiş günahsız uşaqların hər birinin ailəsinin dərdinə şərik olduğunu bildirən Mahirə xanım dedi ki, həmin uşaqların fotolarından ibarət sərgini təşkil etməklə onların unudulmadığını göstərməyə çalışmışıq.
Daha sonra çıxış üçün söz “Xocalı Soyqırımını Tanıtma ” ictimai birliyinin sədri, “Ana harayı”qəzetinin baş redaktoru, “Tərəqqi”medalının mükafatçısı Şamil Sabiroğluya verildi. Xocalı soyqırımı zamanı xocalıların yanında olan, onların dərdini bölüşən , Xocalı soyqırımının ilk fotolarını ölkə mətbuatında yayımlayan Şamil Sabiroğlu, hər bir Xocalı sakinlərin dərdlərini, onlarla birgə yaşadığını bildirdi.O, soyqırım qurbanlarının hər birinin ailəsinə baş sağlığı verərək Xocalı soyqırımının beynəlxalq səviyyədə tanıdılmasının vacib olduğunu vurğuladı.
Daha sonra çıxış edən Xətai rayon İcra Hakimiyyəti başçısının müavini Jalə Abdıyeva tədbiri yüksək səviyyədə təşkil edən 95 saylı tam orta məktəbin rəhbərliyinə,“Yeni Yurd” Sosial İnkişaf və “Xocalı Soyqırımını Tanıtma”ictimai birliklərinin rəhbərliyinə təşəkkür etdi. Soyqırım qurbanlarının xatirəsinin hər zaman əziz tutulduğunu qeyd etdi. İcra başçısının müavini çıxışının davamında bildirdi ki, Heydər Əliyev Fondunun vitse-prezidenti Leyla Əliyevanın müəllifi olduğu “Xocalıya Ədalət” kampaniyasının ölkəmizin beynəlxalq səviyyədə haqq səsinin çatdırımasında mühüm rol oynadığını vurğuladı.
Anım mərasiminin davamında çıxış edən Milli Elmlər Akademiyasının Ədəbiyyat institutunun Aparıcı elmi işçisi, dosent Mərziyyə xanım Nəcəfova da Xocalı soyqırım qurbanlarının xatirəsinə hörmət və ehtiramını ifadə etdi.
Sonda Yeni Yurd” Sosial İnkişaf ictimai birliyi və “Xocalı Soyqırımını Tanıtma” ictimai birliyi tərəfindən tədbirdə fəal iştrak edən şagirdlər diplomlarla mükafatlandırıldı.
Aynur Qəniyeva,
“Ana harayı”qəzetini
