“Cənub axını” qaz borusunun tikintisinin dayandırılması ilə bağlı Rusiyanın verdiyi qərar Xorvatiyaya mənfi təsir göstərməyəcək.
“APA-Economics”in Xorvatiyanın “Dalje” nəşrinə istinadən verdiyi məlumata görə, bu barədə bu ölkənin baş naziri Zoran Milanoviç deyib.
“Rusiya tərəfinin verdiyi qərar Xorvatiyaya mənfi təsir edə bilməz. Çünki ölkəmizin qaz tədarük üçün başqa mənbələri var. Trand-Adriatik (TAP) qaz borusu vasitəsi ilə ölkəmizə Azərbaycan qazının tədarükü bizim üçün hər zaman daha vacib olub. Avropa İttifaqı ölkələri üçün “Cənub axını” layihəsi heç vaxt prioritet olmayıb”, – deyə hökumət başçısı bildirib.
