Yaponiyanın Baş naziri Kişida Fumio 2023-cü ildə G7-yə sədrlik vəzifəsində ikitərəfli və regional əlaqələri gücləndirməyi hədəfləyir.
Elchi.az-ın xariic mediaya istinadən məlumatına görə, Kişida Fumio G7-nin Xirosima 2023 Sammitindən əvvəl qrup ölkələrinin liderləri ilə ikitərəfli görüşlər keçirmək üçün xaricə gedib.
O, açıqlamasında, “G-7 həmsöhbətlərimlə səmimi danışıqlar aparmağı hədəfləyirəm və etimada əsaslanan əlaqələri dərinləşdirmək istəyirəm”,-deyib.
Bir həftə davam edəcək səfərdə Kişida Fransa, İtaliya, İngiltərə, Kanadaya ən sonda isə ABŞ-a səfər edəcək.
Vaşinqtona gedəcək Kişida yanvarın 13-də ABŞ prezidenti Co Baydenlə görüşəcək. Səfər Yaponiya hökumətinin 2022-ci ilin dekabrında elan etdiyi yeni təhlükəsizlik strategiyası və müdafiə büdcəsindən sonra gəldiyi üçün vacibdir.
Bayden və Kişidanın Yaponiyanın ABŞ-dan almağı planlaşdırdığı uzaqmənzilli Tomaqavk raketlərinin satınalma vəziyyətini müzakirə edəkləri gözlənilir. Liderlərin gündəliyinə Şimali Koreyanın hədələyici raket sınaqları və Çinin Hind-Sakit okean regionunda artan regional təsirinin gedişatı da daxildir.
Hər iki tərəf “Azad və Açıq Hind-Sakit Okean” vizyonunun həyata keçirilməsi çərçivəsində iki ölkə arasında müdafiə sahəsində əməkdaşlığı gücləndirmək imkanlarını axtaracaq.
Yeganə
