Ölkənin cənub-qərbindəki Xirosima şəhərində keçirilən G7 Zirvəsi 2023 Yaponiyanın sədrliyi ilə başlayıb.
Yaponiyada gözlər ölkənin cənub-qərb hissəsində, Xirosimada keçirilən 3 günlük G7 Sammitinə çevrildi.
Elchi.az xəbər verir ki, Yaponiyanın baş naziri Kişida Fumionun ev sahibliyi etdiyi sammitdə ABŞ, Fransa, İngiltərə, Almaniya, Kanada və İtaliya liderləri iştirak edir.
Mayın 21-dək davam edəcək sammitə G7 ölkələri ilə yanaşı, Avropa İttifaqı (Aİ), İndoneziya, Hindistan, Cənubi Koreya, Avstraliya və Vyetnam da dəvət olunub.
Ev sahibi Yaponiyanın Baş naziri və xanımı Kişida Yuko Xirosima Sülh Memorial Muzeyinin qarşısında qonaq olan dövlət və hökumət başçılarını qarşıladılar.
1945-ci ildə atılan atom bombası dövrünə aid 100 mindən çox eksponat və qalıqların nümayiş olunduğu muzey G7 liderlərinin ilk kollektiv səfərinə səhnə olub.
Kişida cütlüyünün müşayiəti ilə qonaq liderlər və onların həyat yoldaşları, o cümlədən ABŞ prezidenti Co Bayden və həyat yoldaşı Cil Bayden tarixi muzeyi və kampusu gəziblər.
Ziyarətdən sonra liderlər kampusda atom bombası qurbanları üçün tikilmiş məqbərəyə gedərək gül çələngləri qoyublar.
Şayəstə Hüseynova
