Yaponiyanın baş naziri Şinzo Abe silahlı qüvvələrə ölkə sərhədləri xaricində təhlükədə olan vətəndaşları xilas etmək üçün əməliyyat həyata keçirmək səlahiyyəti verilməsini istəyib.Avropa.info xəbər verir ki, Abe bu fikrini İŞİD-in yaponiyalı jurnalist Kenji Gotonu edam etməsindən sonra parlamentdə çıxışı zamanı səsləndirib.
Yaponiyanın ikinci dünya müharibəsindəki məğlubiyyətindən sonra qəbul etdiyi pasifist konstitusiya ölkə sərhədləri xaricində həyata keçirilən əməliyyatlara məhdudiyyət gətirir.
Yaponiya hökuməti silahlı qüvvələrə tətbiq olunan məhdudiyyətləri yüngülləşdirəcək qanun təklifini parlamentə təqdim etmək niyyətindədir.
“Kollektiv qanuni müdafiə” adı verilən bu doktrina qəbul edilsə Yaponiya müdafiə siyasəti 60 ilin ən böyük siyasət dəyişikliyinə uğramış olacaq.
3 DƏFƏ OXUNUB
