Azərbaycan Respublikası “Xocalı Soyqırımını Tanıtma” ictimai birliyinin sədri, “Yeni Yurd”Sosial İnkişaf ictimai birliyinin İcraçı direktoru, “Ana harayı”qəzetinin baş redaktoru Şamil Sabiroğlunun dəvətilə Azərbaycana qonaq gələn Türkiyənin tanınmış rəssamı İlhan İşbaşı və “Ekovilla”Şirkətinin ortaqlarından olan Salih Döngel bugün “Yeni Yurd” Sosial İnkişaf ictimai birliyinin sədri Mahirə xanım Əsədova ilə görüşdülər.
Söhbət zamanı Azərbaycan-Türkiyə mədəni əlaqələri, Türkiyədə bu ilin fevralında keçiriləcək Xocalı soyqırımının 23-cü ildönümü, apreldə dövlət səviyyəsində təşkil olunacaq Çanaqqala savaşının 100-cü ildönümünə toxunuldu.
“Gəncliyə Yardım Fondu”nun vitse prezidenti Salman Əliyev, “Yeni Yurd”ictimai birliyinin sədr müavini Natiq Qasımov və başqaları belə görüşlərin ikitərəfli əməkdaşlığa verdiyi töhfədən danışdılar.
Sonda xatirə şəkilləri çəkildi.
Dilbər Sultan,
“Ana harayı”qəzeti
