Yunanıstan parlamentində deputatlara paylanan tibbi maskaların Türkiyədə istehsal olunması müzakirələrə səbəb olub.
Bu barədə yunan mətbuatı məlumat yayıb.
Yunanıstan Kommunist Partiyasından (KKE) olan millət vəkili Liana Kanelli parlamentdəki çıxışında tibbi maskaların Türkiyəyə məxsus olmasına etiraz edib:
“Parlamentdə bizə payladığınız maskalar Türkiyədəndir. Üzərində “Türkiyə istehsalı” yazılıb. Pis deyil, Türkiyədən gələn miqrantlar ölkəyə keçə bilmir, amma maraqlar keçir”.
Yunanıstan parlamentinin sədri Konstandinos Tasula tibbi maskalar üçün başqa şirkətə üstünlük verilməsini təklif edib.
