Nepalda zəlzələ nəticəsində ölənlərin sayı hər gün artır.
Medianews.az-ın məlumatına görə, ölkədə olan morqlar tamamilə dolub. Səhiyyə işçilərinə meyitlərin dərhal yandırılması əmri verilib.
25 apreldə baş verən zəlzələdə ölənlərin sayı 6200-ə çatıb. Meyitləri saxlamaq isə artıq mümkün deyil. Rəsmilər meyitlərin yandırılmasının vacib olduğunu bildirib. Zəlzələdən sağ çıxanlar isə hələ də dağıntılar altında olan cəsədlərin iyindən evlərinə qayıda bilmir.
Ölkənin informasiya naziri Minendra Rijal yaxınlarını itirən ailələrə 1000 dollar kompensasiya veriləcəyini bildirib. Ölülərin yandırılmasına isə dövlət tərəfindən 400 dollar ayrılacaq.
