Ukrayna Prezident Ofisinin rəhbərinin müşaviri Mixail Podolyak “BaykarTech” şirkətinə təşəkkür edib.
Elchi.az xəbər verir ki, bu barədə Mixail Podolyak “Twitter“də paylaşım edib.
“Dəyərlər puldan daha vacibdir. Ona görə də “BaykarTech” Rusiyaya “Bayraktar”ları satmayacaq. Qara dənizin digər sahilində Ukraynanın çox yaxşı dostu Haluk Bayraktar Ukraynanı və onun suverenliyini dəstəkləməyi seçdi. Bu, uşaqları öldürən terror ölkəsi ilə mümkün əməkdaşlığı düşünən hər kəs üçün yaxşı nümunədir”, – Podolyak qeyd edib.
Xatırlaadq ki, Türkiyənin “Baykar Makina” şirkətinin icraçı direktoru Haluk Bayraktar “Bayraktar” pilotsuz uçuş aparatlarının Rusiyaya satışına heç vaxt icazə verməyəcəyini və Ukraynanı dəstəklədiyini bildirib.
